Førre helg vart nok ei dugnadshelg i huset. Kjeks vart kjøpt inn og med kaffi og saft vart det god stemning! Tregolvet i andre etasje vart teken opp bord for bord og nummert. Mens ein gjeng var inne og fekk opp golvborda, stod ein annan i sola og reingjorde dei for støv og anna som hadde kome ned i mellom spora gjennom åra.
![Det var der dei var, ja... Mykje ein finn som isolasjon i dørkarmar...](https://i0.wp.com/www.renateogespen.com/wp-content/uploads/Det-var-der-dei-var-ja.jpg?resize=440%2C330&ssl=1)
Mykje ein finn som isolasjon i dørkarmar...
Kjell-Gunnar kom frå Bergen og fekk automatisk ansvaret for å køyra kvart golvbord gjennom avrettaren for å pusse av dei laget med lakk og mindre ujevnheitar. Eit par timar og x-antall sikringar seinare vart dei stabla i stova, klar til å takast opp og leggjast ned att att i andre etasje.
![Graut er godt! Graut er godt](https://i0.wp.com/www.renateogespen.com/wp-content/uploads/Graut-er-godt.jpg?resize=440%2C267&ssl=1)
Pausar er viktig. Det var laurdag og graut stod sjølvsagt på menyen og Renate sine fantastiske bollar var dessert!
Etter å ha lagt inn nye støttebjelkar for å minke svika i golvet har me lagt ned isolasjon i golvet. Dette for å minke støyen opp og ned mellom første og andre etasje, men også for å holde varmen i stua når me varmar den opp. Me treng altså ikkje «fyre for kråkene» (Åge sine ord) heretter.
![Klar til innsats Klar til innsats](https://i0.wp.com/www.renateogespen.com/wp-content/uploads/Klar-til-innsats.jpg?resize=440%2C299&ssl=1)
Viktig med HMT (Helse, miljø og tryggleik)!
Isoleringa av golvet vart ferdig på tirsdag, og i går kveld kunne me byrje å leggje ned att golvet. Me merkar at det er eit gamalt golv (eller sjarmerande som me kallar det) som vert lagt ned. Tross forsøket på å jevne overflata ut, er det fortsatt ein liten pussejobb som står på programmet før golvet kan malast og takast i bruk…
Christoffer
Visste ikke at dere skulle gå så grundig til verks! Imponerende oppussing. Bergen følger med på utviklingen og liker det 😉
pappa /svigerfar
Syns dåke er motige..trur det vert kjempefint når de er ferdige..godt med gode hjelparar ser eg :=))