Me skulle nok ha publisert dette innlegget for ein halv evigheit sidan, men det har rett og slett vorte nedprioritert i alle baugar og kantar. Sidan sist har det vore både hauststormar og jul. Nok ein gong utan at snøen heilt veit korleis den skal oppføre seg i slike tider. I huset har me fått svingt både kost og sleiv, og eit nytt år er akkurat byrja!

Julastri?

Alle snakkar om denne såkalla julestria, men den verste stria klarte me å unngå — i alle fall stort sett. Julakortet var vel det me hadde planlagt lengst, men som me avslutta sist i juleførebuinga. Julepresangane var allereie kjøpt inn eller ferdig planlagt når me såg 1. desember på kalenderen. Nok ein gong måtte me gå for eit andre opplag på desse, til tross for mengden me trykte opp fyrst var stor nok i utgongspunktet (ref. biletet over).

At me skulle gå for berre ein sort vart litt vel overdrive i dette eksemplaret...

Julebaksten gjekk strålande, sjølv om det vart færre pepparnøtter enn fyrst ynskjeleg… Nytt av (fjor)året var at Renate lagde julegodter av forskjellige slag. Dette fall veldig i smak av underteikna! Eg kjente fort at det er bra eg har godtestogg resten av året…

Oppussing

Som nemnt har me byrja på gjestesoverommet i andre etasje. Her hadde me sett alle klutar til for at det skulle bli meir eller mindre ferdig til jul. Planen var at det skulle stå klart til overnattingsgjestane me fekk allereie i nyttårshelga. Klokka 2 på natta dagen før me tok juleferie på Halsnøy var me ferdige med å måle alle overflatene. Då var det berre det å putte inn møblement i romjula som gjenstod. Overnattingsgjestane kom og fekk æra over å vere dei fyrste til å sove på vårt nye gjesterom/kontor!

No gjestår det berre litt listing. Det er er jo ein smal sak, er det ikkje det?

I tillegg til rommet i andre etasje har eg også fått pussa ned og måla ein gamal sjenk me fekk frå mine besteforeldre på Leirvik, samt ein kommode som stod i huset då me overtok. Fyrstnemnte er allereie på plass i stova og fylt med service og andre «spisestove»-ting. Etterlengta!

Til slutt…

No står det vel berre att å dykk alle eit fortsatt godt nytt år!

Det lir mot jul og gjeremåla er mange. Oline har også funne ut at det er kjempegøy å gå på beina, og elskar å bruke kroppen både til turn og anna!

Dagane vert kortare og mørkare, men arbeidsdagane vert lengre og lengre for min del. Likevel, takka vere mi kjære kone har me fått rydda skikkeleg ut av det som skal bli gjesterommet. No er det klart for noko sparkel og nokre lag med måling! Endeleg!

I tillegg har me kjøpt inn, eller i alle fall tenkt på, dei fleste av julegåvene, og Renate er ferdig med julekalendaren til vesla. Me kan difor glede oss til «julestria»!

Er du i rute?

Oline har fått Duplo — MASSE Duplo!

Juni har akkurat passert på kalenderen og Oline og underteikna har hatt opptil fleire fantastiske bursdagsfeiringar, og Renate og eg har feira bryllaupsdag med hjartepizza på tallerken og saft i glaset. Ferien er rett rundt hjørna og om den vert nytta til å slikke sol, leike med Duplo eller sparkle gjesterom, skal den utnyttast til det fulle!

Ein oppdatering frå sommarens hendingar kjem plutseleg i løpet av seinsommaren. Til dess: Ha ein fortreffeleg sommar kor du enn måtte oppleve den!

Leik er viktig!

Dagane går fortare og fortare, og me kompenserer med å ta ein ting av gongen. Prioriteten vår siste tida har vore det familiære, men me har likevel fått gjort eindel oppussing og flikking i huset likevel.

Oline sitt rom har stått øverst på ynskelista når det gjeld ferdigstilling og no etter nesten åtte månader er rommet i bruk med nymåla seng og leiker! Eg har snikra saman ein liten video som viser prosessen frå nedriving til måling av nytt tak. Spennande? Yes!

Etterkvart skal me leggje ut før og etter bileter av dei romma me er ferdige med. Stay tuned!

Fase ut, fase inn…

Pappa Åge har svingt blyanten og kome med eit forslag (eigentleg fire, men me er visst kresne) til påbygg og ny planløysing etter våre ynske. Planane er langt frå ferdige — noko som også gjeld påbyrjing av det me likar å kalle fase 2… Kom innom på kaffi om du vil kikka inn i framtida til Soltun!

Før me kan «setja spaden i jorda» for den fasen skal me gjere ferdig gjesterommet/bibliotek/kontoret i andre etasje. Det vert fantastisk å få dette ferdig! Som oppvarming har me rusta opp vårt midlertidige gjesterom med nytt golv og nymåla lister. No er det litt kjekkare å få deg på overnatting!

Ut på tur, aldri sur!

Kvikklunsj og kakao er alfa omega!

Eg kan ikkje hugse sist eg var på fjelltur med kakaoen og Kvikklunsjen i sekken. Uanskvett hadde eg meg ein fantastisk tur saman med familien på Bjelland til eit vatn utan namn. La oss kalle det «vatnet-under-kraftlinene-i Beinadalen».

Pappa Åge prøver seg på fiskelukke.

Det var ikkje så altfor mykje fisk å få, men eit par erfaringar rikare på kvar me kanskje skulle dra og telte neste gong, vart me i alle fall! Ettersom vêret plutseleg slo om frå sol og varme til vind, regn og kulde, fylgde me fjellvettregelen om å snu i tide!

…og så til slutt

No er det langhelg og det er tid for å kople av kvardagens kjas og mas. Me har ikkje lagt særlege planar, men me kjem nok til å bevege oss litt rundtom! I tillegg har me i dag (1. juni) vore saman i fire fantastiske år!

Kva har du gjort i det siste, og kva er planane dine for helga og resten sommaren?

God langhelg!

Det har vore stille på Soltun i sommar. Graset, tunet og oppkjørsla grodde saman til ei grøn slette, støvet hadde lagt seg finare enn nokon gong og døra har stort sett vore låst. Denne sommaren er det ei lita tulle som har trengt all den oppmerksomheit me kunne avsjå, men me har sett og høyrt at me ikkje har gått glipp av det finaste vêret mens me har vore innlosjert på sjukehuset i Haugesund.

Klokkene har for lengst kimt inn til jul, og det er kanskje på tide å oppsummere kva som har skjedd sidan sist. Mykje er nok gamalt nytt for dei aller fleste, men håpar likevel du tek deg tid til å skumme gjennom tekst og bilete!

1 år, 1 månad, 1 veke, 1 time og 1 minutt…

Mini Jack var den einaste som mangla på feiringa...

Onsdag 4. august klokka 15.08 (sånn cirka), hadde Renate og eg vore gift i 1 år, 1 månad, 1 veke, 1 time og 1 minutt. Sidan me ikkje fekk sjans til å gå på hverken Magnet-konserten i Stord kyrkje eller spise ein betre middag 27. juni, bestemte me oss for at 4. august var dagen me skulle feire denne hendinga skikkeleg. Barnevakt var jo ingen problem!

Me pynta oss og spankulerte ned på Big Horn på strankaien i Haugesund og nytte eit betre måltid saman. Straks etterpå var det opp att til sjukehuset for å sjå til Oline og ha ei hyggeleg familiestund resten av kvelden — alle tre. Den einaste som var sårt sakna, i alle fall om du spør Espen, var Mini Jack…

Godt over halvmeteren!

Oline heia fram Marthe Valle i årets X-factor. Det ser ut til at det hjalp!

Familien er no samla under eitt tak i Hornelandsvegen! I haust har me fått testa om huset er i stand til å takle familielivet, og kan bekrefte at det gjer det! Oline veks og trivst her, noko mammaen og pappaen kan sjå frå dag til dag. Ved sist veging (29. desember) vog ho 4850 gram og var bortimot 57 cm frå topp til tå. Til tross for at ho kom ut ein del for tidleg er musklane snart klar for å ta fatt på oppdagingar på stovegolvet — og ellers i verda. Flinke vesle jenta!

Man tager det man haver…

Spisestuestolane og senga til vesla har også fått eit par-tre strok med måling.

Til tross for lite tid i heimen har me fått ein del på stell likevel. Eg har hatt eit par turar heimom i sommar for å sjekke til at alt stod bra til med huset. Listene i gongen er no heilt på plass og rommet til Oline byrjar å ta form med ny isolasjon i tak og panelet er på plass på veggen! Her manglar det berre litt måling, lister og golvleggjing så kan ho få drøyme søtt på eige rom!

Kjøkkenet har også fått eit ekstra løft denne hausten. Gamle skap, som både me og andre har hatt liggjande, har me målt og sagd opp for å få på plass nye skap både under og over den nye benkeplata.

God jul og godt nytt år!

Me skal ikkje setje inn ein lovnad om hyppigare oppdateringar i det nye året, men ein kan alltids håpe og ha ynskjer om det! Til slutt vil me med årets julekort på plass ynskje alle saman ei fortsatt god romjul og alt godt for 2011!

Det ser jammen meg ut til at det er gått eit del veker sidan førre oppdatering, men me skyldar på ein god klatt latskap for det digitale etter at sola har gjort sitt inntog… Her er nokre korte oppdateringar med bileter som skal hente inn det «tapte». Som du ser er det ganske mykje meir enn berre oppussing som har vore på plakaten.

Oline

Det er kanskje kjent for dei fleste allereie, men me skal verta foreldre! Tidlegare i vår fekk me sjå at det er ei lita prinsesse Renate har i magen sin på ultralydskjermen. Me fekk eit par gode bileter, men fekk ikkje eit skikkeleg profilbilete av ansiktet (sjå bilete øverst). Ho er enten sjenert, eller kanskje arva Renate sine leike-gener og gøymer seg for oss med vilje? Renate har alltid hatt lyst på ei jente kalla Oline, og eg var ikkje den som kan nekte ei prinsesse det namnet! Sidan hennar oldemor og mine tre tipp-tipp-oldemødre også heiter det er det jo ekstra kjekt å gi ho det namnet.

Me er vertfall spente begge to på korleis ho ser ut og kven ho er! Gleder oss!

Etter å ha vore brukt som roterom, byrja me på oppussinga av barnerommet hennar førre veke. Plassmontert skap er riven vekk, skråtak skal isolerast og panel skal på plass både på vegg og i tak. Samstundes er prosjekt «Bedtime» i gong (me kaller det eigentleg ikkje for det, men i skrivestil høyres det fantastisk kult ut…): Senga, nyinnkjøpt frå brukthandelen i Sagvåg, er pussa ned og skal etter små reparasjonar målast og verta eit relativt flott møbel som veks saman med Oline.

Når ting vert heilt gresk…

Til bryllaupet vårt i fjor var me så heldige å få ein del gåvekort av forskjellige slag, blant anna eit reisegåvekort. Det nytta me for to veker sidan til å reise ned til varmen på Kreta. Dette var ein fantastisk tur med avslappa atmosfære ved basseng- og strandkanten på og ved Hotel Theo. Me besøkte hamna i Chania og fant mange artige butikkar og kaféar på vår vandring i dei tronge gatene i gamlebyen.

Her er litt smakebileter frå turen:

Kveldsstemning på Hotel Theo

Dei er vertfall ærlege i Chania!

Utsikt frå gamle hamna i Chania

Oline smiler fint etter å ha fått solkrem på!

Gatene i Chania var fascinernde og flotte

Røvær – ei perle for slitne kroppar

Utsikta frå rommet me fekk

Espen vann i haust gåvekort på ei helg på Røvær Kulturhotell i ei trekning på jobben. Dette vart nytta tidleg i mai og vart eit godt avbrekk i hektiske tider, både for oss to og Oline inni magen. Ingen biltrafikk, berre sol, frisk luft og blide mennesker!

Renate og Oline slapper av på kaien på Røvær

Sånn ellers då?

Trappa og gongen er ferdigmåla, og det gjenstår (som alltid?) litt listing før denne nærmar seg ferdigstilling. I tillegg har forværelset til dusjrommet fått baderomsinnredning og ventar på siste finish med badestamp, stellebenk og eit strøk måling.

Epletreet har fått ein etterlengta og kraftig overhaling

Hage og uteområdet er teke meir i bruk etter sola no har byrja å varme og lysne litt lengre utpå kvelden. Parasoll er kjøpt inn og ein gamal grill frå Espens onkel i Amerika – eh, Bjelland, fortset sin misjon på tunet.

Det spirar og gror i hagen

Rosmarin og diverse anna er i jorda i drivhuset. Jordbæra spirer og gror også, men det ser ut til at det kan ta litt til før me kan hauste dei og nyte dei med mjølk/fløyte og sukker på…

Pausar er halve jobben – minst!

Etter at røyra våre fekk seg ein forstoppelse i vinter starta me denne veka med dugnad i hagen for å finne fram til kor røyret hadde fått seg ein liten kakk. Gjengen frå Bjelland stilte friviljug opp med spade, krafse, og -brett. Me stilte sjølvsagt med forfriskningar som brus, kaffi og godteri, kjeks og kake som var igjen etter bursdagsfeiringa mi i hagen dagen i førvegen!

Våren er komt til Hornelandsvegen 23! Er det noko eg er spent på med huskjøpet vårt er det alt som kjem til å dukke opp i hagen utover våren og sumaren. Dei som budde her før oss hadde visstnok særs «grøne fingrar», og tanken gir meg ein smule prestasjonsangst.. Her er noko av det eg fant på oppdagelsesferden min i dag!

Joda, me er fortsatt her! Sidan me er flytta inn må me berre seie at dei største tinga som er verdt å blogge om ferdig, men ikkje tru at me ligg på latsida for det: Me har måkt fleire tonn med snø…

Vel, ved sida av all måkinga har me i det siste forsøkt å skape ein meir eller mindre god heim for oss to. Det innebærer at me no har fått malt dei gamle nattborda, skrivepulten som stod her i huset då me tok over, soveromsdøra, golva i gangen og rommet som skal verte eit tillegg til dusjrommet. I tillegg har me fått hengt opp gardiner i stova og fått eit par strøk på boden slik at me no kan byrje å rydde ting på plass!

Puss, puss...

Ferdigmåla trapp

Bålkos

Man tager en desj gammel plank fra et gammelt hus, plasserer det på en god overflate av ikke-brennbart materiell, knurver et par ark av gårsdagens udgave av avisen og fyrer det hele opp med en svovelstikke…

Oppskrifta for ei hyggjestund med bål er enkel når man har nok av gammel materiale liggjande i garasjen! Dette drog me nytte av førre laurdag, og saman med våre koslege nye naboar kosa me oss med kjeks, kakao og varmen frå bålet – på vårt eige tun!

Øyo 2010

Angry Wasp and the Angry Wasps, Øyo 2010

Samme kvelden stilte me opp som frivillige på musikkfestivalen Øyo som fann stad i HSH sine lokaler på Rommetveit. Her var det god stemning, både blant publikum og artistar. Rett og slett eit vellukka arrangement!

Er det ikkje det eine, så er det det andre…

Me har kjøpt oss ein einebustad, og det følgjer sjølvsagt med at det då kan dukke opp uforutsette ting og tang hist og pist. Fram til førre helg hadde me vorten skåna for denne typen hendingar. Då me ein kveld hadde vaska ferdig oppvasken, dusja oss og var klar for å ta kvelden, oppdaga me at det surkla ekstra i røyra. Eg gjekk ned i vaskekjellaren for å sjekke om det kunne vere noko i sluken.

Synet som møtte meg var alt anna enn det ein vil oppdage når du er trøytt og helst vil leggje deg glad og nøgd under dyna. Heile golvet i vaskekjellaren var fylgd med vatn og toalettpapirrestar. Hadde det ikkje vore for at det også var blanda inn ein god dose med vaskemiddel og dusjsåpe, kunne lukta også vore til plage… Helga måtte dermed nyttast til å finne årsaken, stake og besøkje familie for å kunne gjere sitt fornødne og dusje.

Måndagen og tysdagen gjekk for det meste i slamspyling opp, ned og i mente av både røyleggjarar og kommunen. Konklusjonen på det heile var at det var snakk om eit kollapsa sementrøyr etter at ei rot hadde trengt seg gjennom det – noko som sjølvsagt ikkje vert dekka av forsikringsselskapet. Så snart snøen smeltar og fuglane kvitrar høgt i sky tek me til med graving for å skifte ut heile røkkelet. Alle er hjartans velkomne til ein alternative hagefest, eller kanskje gravøl passar betre?

Det lir mot vår?

Studio og drivhus

Tunet

Sjølv om bileta ovafor er idylliske og vakre nok, gledar me oss uanskvett til våren kjem og me kan byrje å bruke eigendomen vår fullt ut!

Me merkar etter vel to veker i huset at me går ei tid i møte der me må vere særs tilpassningsdyktige med tanke på oppussing og flytting av romfunksjonar frå det eine rommet til det andre. Men det som er kjekt, er at for kvar ting me no gjer ser me at det meir og meir vert eit komplett og finpussa hus!

Kjøkkenet ferdig, sa du?

Kjøkkenet før nedriving...

Vårt ferdigoppussa kjøkken fekk ikkje vise si strålande prakt så altfor lenge. Etter fire-fem glansdagar med nymalt golv og skåp, vart det inn med plater og papp på golvet før skåpa vart røska ned frå veggen. Då pappa Åge fekk nyss i at sjefen hans skulle skifte ut kjøkkenet sitt, spurte han forsiktig om kva han skulle gjere med det gamle, med oss i tankane. Til svar fekk han at det kunne me berre få! Det virkar som om jula faktisk varer heilt til påske likevel?

Etter iherdig innsats frå Kvalheim Junior og Senior, pluss litt røyrleggjararbeid seinare, har me no eit heilt «nytt» kjøkken. Eller, det vil seie, etter me har malt litt kjøkkenfrontar så har me det… Gøy er det uansett å sjå at kjøkkenet ser ut som eit normalt kjøkken!

...og etter oppsetting av nytt.

Glimtar til med ein ny time-lapse video frå oppsettinga av kjøkkenet:

Opp og ned like langt…

Me trur dei førre eigarane var veldig glad i fargen grønn. Kjøkkenet, golvet og mange av romma var grønne, eller inneholdt grønne elementer. Etter å ha skrapt vekk lim og belegg på trappa vår, kom jammen meg grønnfargen fram her også. No gjenstår det å få vekk små flekkar med motstandsdyktig lim før eg kan byrje på favorittaktiviteta mi; pussing og sparkling. Den vert nok fin til slutt skal du sjå!

Julematen er forlengst ferdig innteken, og den evige kampen om det gode nyttårsfortsettet er allereie på usikker grunn. Det er eit nytt år og mykje spennande står på programmet! Me ynskjer deg eit godt nytt år med ein oppdatering på kva som har skjedd dei siste par vekene…

Ho, ho, ho!

Jula vart feira med heile familien Sjo på Halsnøy. Pinnekjøttet satt som alltid godt i magen, og stemninga var forventningsfull til kva alle gåvene hadde av innhald. Etter eit heidundrandes spleiselag frå begge familiane, og god hjelp frå Julenissen, fekk Renate endeleg Terapi Masteren ho har ynskja seg i lang tid. Tårevåt oppleving!

Bryllaup og nyttårsfeiring på Runde

Våre gode venner Ragnhild og Torkild valgte nyttårsaftan til å gifte seg på. Etter vigsle i Hareid kyrkje, vart fylgjet invitert til bryllauspfest på Runde. Eit fyrverkeri av eit bryllaupder altså! *dagataDISH*

Jula er ute – me er inne!

Etter å tatt oss fri frå alt som har med oppussing og husarbeide i jula, har me no tatt på oss arbeidskleda og byrja å svinge målekostar og hammer att. Etter hjelp frå fjern og nær, foreldre, søsken og ovannemnte brudepar, har me no ferdigstilt soverommet  og stua vår, (nesten) komplett med lister og det heile! Senga er komen på plass på soverommet og i stua er sofaen plassert saman med TVen og stereoanlegget. Som far til Espen sa: «Det byrjar å sjå ut som ei stue!».

Utsikten vår frå soveromsvinduet.

Utsikten vår til Halsnøy. Meiner det er landafeltet me ser gjennom Goliaten.

Vår fantastiske raude pipemur har fått seg tre velfortente strøk med maling. I videoen over kan du sjå time-lapse (teken med iPhone faktisk) av prosessen med fyrste strøk.

I tillegg til dette er linoleumet i dei resterande romma i andre etasje vorten historie, og det gamle tregolvet viser seg i all si slitte prakt. På bildet ser du Marius og Jan Emil i rivningsbransjen. Tak og lister i gong og kjøken er ferdigmåla, straumen er tilbake for fullt i alle rom, gamle slitte røyr er skifta ut i kjellaren og vaskemaskina er testa og i flittig bruk!

Knapt ei veke etter bryllaupet deira kom fam. Georgsen på arbeidsleir til Hornelandsvegen. Då blei golvet lagt i stova. Espen og Torkild stod for at golvet blei lagt, mens Renate og Ragnhild sørga for å testa at det virka etterpå.

Ragnhild og lille Oskar har lunsjpause.

Då var golvet, sofaen og lyden på plass og Torkild har funne gokroken. Kven treng meir enn da? Tusen takk for fantastisk god hjelp og sosial opptur til dei nygifte!!!

Golvet på kjøkenet har også fått seg ein ny look, og arbeidet med å ferdigstille rommet er rett rundt helga!

Taklampa fekk me av besteforeldra til Espen i Måløy (som dei hadde frå "tante" Signe).

Sidan me no er komen såpass langt i oppussinga, flytta me likegodt inn i huset no på måndag denne veka. Me kan med handa på hjarta seie at det er ein deilig følelse å endeleg kunne bu i sin eigen heim att!